[萬世歌王][轉貼]香港人

詹瑞文太高班了, 我無資格去評論佢係 '' 萬世歌王 ' 入面演得好唔好
再講,感受又唔係太大 , 所以睇完就放埋一邊
點知事隔三日 , 都係抵唔住頸要寫一寫
原因係我知道有位同事呻悶
本來就唔關自己事 , 每個人化學作用都會唔同 , 佢覺得悶係唔出奇
但係咪住 ........ 悶 ?! 唔係嘛 ?!

相比 '' 男人之虎 '' 今次空間感比較大 ,
為既可能係俾我地有機會諗下野
呢個安排或者係林奕華主意
'' 林 '' 一向鍾意藉某樣事物叫你聯想到令一樣野身上去
當然, 你想都唔去想就根本唔會知佢做乜
( 就算你想都可能只GET 到 四五成)
而 '' 詹 '' 係以單刀直入見稱 ,
仲要慌死插唔入 , 所有野都好似要 '' 即時 '' 咁
佢賣點係夠地道 , 夠準 , 貼哂民生/心/身以得到共鳴
其實以呢種表達形式 , 根本就唔會有悶場 ,
所以 '' 男 '' 食中香港市場 , 加開又加開又開又加又開........................
如果係因為 '' 林'' 既配合而令到有人訓 , 咁實在係太可悲了
佢兩個唔係演員 / 導演 / 創作人 而係真正既藝術家
分別在於後者會將自己思想用唔同方式放入我地個腦度
岩就攞去使 , 唔岩就擗走
神奇既地方係每個人最終得到既都會唔同
但絕對唔係為左要你得啖笑